Mai kya batau kya husain hai

Main Kya Batau Kya Hussain(a.s) Hai

Haqiqaton ka Aina, Ya deen Ka hai tarjuma
Main Kya Batau Kya Hussain(a.s) Hai...

1) Wo fatema ki jaan hai, ali ke ghar ki shaan hai
wo noore haq ki roshni, wo dee ka paasbaan hai
Utha ke apni god me rasoole haq ne khud kaha
ye mera laadla hussain hai
Main Kya Batau Kya Hussain(a.s) Hai...

2) talaashti meri nazar jidher jidher udher udher
gali gali sheher sheher shajar shajar dagar dagar
nazar uthi jaha jaha waha waha hussain hai
jahan nazar waha hussain hai
Main Kya Batau Kya Hussain(a.s) Hai...

3) Wo Dee'n panah ast bhi, wo badshahe deen hai
le aao dusra koi, jo shainshahe deen hai
Jo Apna ghar lutayega, khuda ka dee'n bachaega
ye  deen ki bina Hussain Hai
Main Kya Batau Kya Hussain(a.s) Hai...

4) Wo ibtedaye Karbala, Wo Intehaye Karbala
Usoole Dee'n Usi Se Hai, wo aayato ka silsila
gunah se wo bachayega, khuda se bhi milaega
khuda ka faisla hussain hai
Main Kya Batau Kya Hussain(a.s) Hai...

5) Wo mujhse hai, Main usse hu, Rasool ne yahi kaha,
Wo Sajdaye khuda mein bhi Nabi ki pusht par raha
Hudud Uski Jaanle, Zamana Ab bhi maanle
Ke deen ki Baqa Hussain Hai
Main Kya Batau Kya Hussain(a.s) Hai...

6) Ayaz Bas Tere Labon pr ek yahi payam ho
Hussainiyat ki baat ho, hussain ka kalam ho
Wo ruhe aaftaab hai, duae mustajab hai
Khuda Se Raabta Hussain Hai
Main Kya Batau Kya Hussain(a.s) Hai...