Battis baras waar diye char baras par

sar choom ke abbas ka kehte rahe sarwar
batees baras waar diye char baras par - 2

ek mashk e sakina ke liye bazu kata kar
batees baras waar diye char baras par

are lasha liye godi main sada deti hain zahra
is sher ka khoon beh gaya pani se zyada
abbas ka ehsan hai ye aale nabi par
batees baras waar diye char baras par

haye bazu ko kalam dekh kar kehne lage maula
ye hath mere hath main baba ne diya tha
phir soo e najaf dekh ke goya hue sarwar
batees baras waar diye char baras par

shabbir pe sadqe hua shabbir ka banda
ya fatima zehra mera maqbool ho hadiya
kehti hain baqqaiyah main ye abbas ki madar
batees baras waar diye char baras par

sadaat ki ab kaun bujhaye ga bhala pyaas
ek gurz laga zeen se gire khak pe abbas
ye sunte hi khaimo main bapa hogaya mehshar
batees baras waar diye char baras par

are kyun ho na dil e abid e beemar ke tukde
qasim se zyada thy alamdar ke tukde
are turbat bhi bani qabr e sakina ke barabar
batees baras waar diye char baras par

majlis me kabhi naam jo abbas ka ata
ye kehte hue uthta tha shabbir ka beta
qurban chacha ap pe ye abid e muztar
batees baras waar diye char baras par

ro ro ke sada deti thi ye paalne wali
abbas hui aj se jholi meri khali
are tha shor bapa khaima e kulsoom ke andar
batees baras waar diye char baras par

kya nehr pe guzri hai ye kehti thi sakina
kyun khoon main dooba hai alam mere chacha ka
sheh beti ko kehte rahe seene se laga kar
batees baras waar diye char baras par

zainab ko ghareebi ki khabar kaise sunate
mare gaye abbas ye kis dil se batate
sheh kehte rahe choom ke hamsheer ki chadar
batees baras waar diye char baras par

laashe ki tarhan hathon pe parcham ko utha kar
shabbir sada dete thy rote hue akbar
jaan war doon tujhper aye mere sher e dilawar
batees baras waar diye char baras par