Ummat Ne Sitam Kaisa

ummat ne sitam kaisa ye sadat pa dhaya
sajde men hi sajde ka mohafiz gaya mara

kiun aise pedar ko mere ghar laye ho bhaiya
baba ka mere jism hai kiun khoon men doba
rote huye abbas ko zainab ne pukara

zainab teri ai hai zara akhen to kholo
ek baar khodara zara beti se to bolo
fir baap ko ro ro ke kaleje se lagaya

es tarha ada ajre resalat ko kiya hai
baba ko mere sajde men yun mara gaya hai
fir ham ko Musalmano ne kufe men hai luta

baba na kahin dekh len bas es se hon darti
baba ki nigahon se main chip chip ke hon roti
nana teri ummat ne hai kiya haal banaya

jate huye ek baar zara beti se bolo
ab kis ke sahare se jiyon gi ye bata do
beti se na estarha se muh fero khodara

khamosh na ho warna ye mar jaye gi beti
ab aap ki furqat ko na se paye gi beti
zainb se zara baten karo ai mere baba

har koi ye kahta raha maiyat se lipat kar
maula nahin ji payen ge ham tumse bicharkar
sar peet ke sab rote the kohram tha barpa

bechain bahot dard se hain kuch nahin kahte
bachchon se nigahon ko chipa kar ke hain rote
yun zahre hala hal se hua zard hai chehra

main kaise likhon zulfiqar us wakht ka nazar
rizwan giri binte ali kah ke zimin par
bhaiya zara ahista janaze ko uthana