Hussain Se Mango

Yaqeen rakho khuda par hussain se mango
Kahin se kuch na mile gar hussain se mango

Khula ye raze nihaan waqiye se rahib ke
Dare huzoor pe aakar hussain se mango

Sawal ye nahi taqdeer me likha kya hai
Tumhe jo chahiye aakar hussain se mango

Kaha ye hur ne ke sabse bade sakhi hain hussain
Na mango qatra samandar hussain se mango

Jo manga ghar to ye tumko mahal karenge ataa
Jahan me bhatko na dar dar hussain se mango

Ye jibraeel se fitrus ne muskura ke kaha
Milenge isse haseen par hussain se mango

Jahan me izzato shohrat shaooro fan hikmat
Agar nahi hai mayassar hussain se mango

Kisi Tarha Ki kabhi muflisi na aayegi
Sukoono ilmo hunar zar hussain se mango

Zamane walo ke hai ikhteyar se bahar
Jina me chahiye jo ghar hussain se mango

Madad najaat uroojo kamal azmo wafa
Raza o mahdi o mazhar hussain se mango