Mar Gaya Baap Magar Maanti Nahi Zainab(sa)

Ajeeb Waqt Hai Yeh Fatima Ke Beton Pe
Janaza Baba Ka Ghar Se Uthaein Woh Kaisay
Behan Ko Jab Bhi Choratay Hain Barh Ke
Maiyyat Se
Woh Bar Bar Lipatti Hai Baap Se Ja Ke

Mar Gaya Baap Magar Manti Nahi Zainab
Churanay Se Bhi Kafan Chorti Nahi Zainab

Kabhi Woh Baba Ke Galon Pe Gaal Rakhti Hai
Kabhi Woh Shaney Hilati Hai Matha Chomti Hai
Yateemi Kya Hai Abhi Janti Nahi Zainab
Churanay Se Bhi Kafan Chorti Nahi Zainab

Mar Gaya Baap Magar…

Qareeb Aa Ke Kabhi Chehra Dekhtey Hain
Hussain
Behan Ki Sansoon Ki Aawaz Sun Rahe Hain
Hussain
Padar Se Lipati Hai Kuch Bolti Nahi Zainab
Churanay Se Bhi Kafan Chorti Nahi Zainab

Mar Gaya Baap Magar…

Yeh Pehla Gham Hai Abhi Rook Le Behan
Aanso
Kaha Hussain Ne Zainab Ke Chom Kar Bazu
Yeh Tera Kofay Mein Gham Aakhri Nahi Zainab
Churanay Se Bhi Kafan Chorti Nahi Zainab

Mar Gaya Baap Magar…

Girey Jawan Ke Lashay Pe Jis Tarha Koi
Giri Thi Baap Ki Maiyyat Pe Oss Tarha Beti
Hasan Uthatay Rahe Par Uthi Nahi Zainab
Churanay Se Bhi Kafan Chorti Nahi Zainab

Mar Gaya Baap Magar…

Yeh Ro Ke Fizza Se Kehne Lagay Hussain-o-Hasan
Woh Zakhm Dekh Rahi Hai Hata Hata Ke Kafan
Shikasta Baap Ka Sar Bholti Nahi Zainab
Churanay Se Bhi Kafan Chorti Nahi Zainab

Mar Gaya Baap Magar…

Nishani Baba Ki Seene Se Jab Lagaye Gi
Ossay Amamay Se Baba Ki Khushbo Aaye Gi
Lahu Laga Hai Magar Ponchti Nahi Zainab
Churanay Se Bhi Kafan Chorti Nahi Zainab

Mar Gaya Baap Magar…

Madad Ko Aaein Baqiya Se Fatima Zahra
Woh Dekh Dekh Ke Roti Hai Baap Ka Chehra
Abhi Kissi Ki Tarat Dekhti Nahi Zainab
Churanay Se Bhi Kafan Chorti Nahi Zainab

Mar Gaya Baap Magar…

Tumhari Aas Pe Jee Le Gi Ab Behan Abbas
Qareeb Aa Ke Chura Do Tumhi Kafan Abbas
Tumhara Kehna Kabhi Talti Nahi Zainab
Churanay Se Bhi Kafan Chorti Nahi Zainab

Mar Gaya Baap Magar…

Qareeb Aaye Jo Ghazi Behan Ne Chora Kafan
Tu Bolay Ghazi Se Zeeshan Aur Raza Yeh
Hasan
Tumhara Chehra Agar Dekhti Nahi Zainab
Churanay Se Bhi Kafan Chorti Nahi Zainab

Mar Gaya Baap Magar…