Shabbir Tera Chehlum

Shabbir tera chehlum Zainab manaa rahi hai...
Mafhoom-e-Karbala ka ghar ghar bata rahi hai..

Seene mein dukh ki shama, aankhon mein ashk-e-gham hai
Har yaad-e-tere gham ki Zainab saja rahi hai...
Mafhoom-e-Karbala ka ghar ghar bata rahi hai...

Bachon ki pyaas, sadme, Khuli ke zulm saare
Jalti hui zameen par aahen bhara rahi hai
Mafhoom-e-Karbala ka ghar ghar bata rahi hai...

Jalte huwe haram ki tasveer ban gayi hai
Tareekh ki zabaan par Zainab hi chha rahi hai
Mafhoom-e-Karbala ka ghar ghar bata rahi hai

Har cheekh mein sadaqat, har aankh mein baseerat
Paighaam-e-Karbala ko Zainab padha rahi hai
Mafhoom-e-Karbala ka ghar ghar bata rahi hai

Ghazi ki ghairaton ki tasveer ban gayi hai
Dushman ke dar pe ja ke ghairat jaga rahi hai
Mafhoom-e-Karbala ka ghar ghar bata rahi hai

Chheene gaye jo burqé utré jo goshwaare...
Yeh zulm ki kahani sab ko bata rahi hai
Mafhoom-e-Karbala ka ghar ghar bata rahi hai

Bazaar-e-Shaam mein bhi parda bacha rahi hai
Zakhmon ko, dard ko bhi chaadar bana rahi hai
Mafhoom-e-Karbala ka ghar ghar bata rahi hai