Husain (a.s) aate hain

Khushi hai jashn manao Husain (a.s) aate hain,
Sana ki bazm sajao Husain (a.s) aate hain.

1) Sajaa sajaake dar o baam chand taaron se,
Khuda ke noor se firdous ke nazaaroun se,
Zameen ko arsh banao Husain(as) aate hain.

2) Pisar Ali ka Mohammed ke dil ka chain hai ye,
Hasan ka bhai toh Zehra ka noor-e-ain hai ye,
Adab se sar ko jhukao Husain aate hain.

3)Khuda ki tarah do aalam ki neymatein le kar,
Ye kon aata hai duniya me jannatein le kar,
Diloun me farsh bichchao Husain aate hain.

4) Rakho hisaar me Zehra ke aastaane ko,
Nazar lagey na kahin Hashmi gharaane ko,
Nigaah-e-bad se bachaao Husain(as) laate hain.

5) Khuda ko naaz hai Islam muskuraata hai,
Nabi(saws) ke deen ka muhafiz jahan me aata hai,
Qabar ye sab ko sunaao Husain (as) aate hain.

6) Rahegi zulm me himmat na sar uthaane ki,
Jagah milegi na baatil ko muh chupaane ki,
Charaagh haq ke jalaao Husain (as) aate hain.

7)Zamaane waalo qataaoun pe kyun pashema'an ho,
Lagaake ghair se ummeed kyu paresha'an ho,
Dar-e-Husain(as) pe aao Husain (as) aate hain.

8) Manaa rahe hain farishtey falak pe jashn-e-Husain(as),
Nawaaz likho qaseede sunaayenge Hasnain,
Yunhi adoo ko jalaao Husain (as) aate hain.