Haye shaam-e-gharibaan

Haye shaam-e-gharibaan

(Haey Shaam-e-Gharibaan Haey Shaam-e-Gharibaan) x2

Aey Hain Agar App To Ruk Jaiyay Baba (Ghar Jalgaya Main Kia Karon Farmaiyay Baba) x2

Ab Aey Hain Jab Fauj-e-Khuda(a.s.) Sogai Ran

Jab Khoon Bhara Parcham Hai Alamdar Ka Ban Mein

Seenay Say Alam Ghazi(a.s.) Ka Liptaiyay Baba

Aey Hain Agar App To Ruk Jaiyay Baba (Ghar Jalgaya Main Kia Karon Farmaiyay Baba) x2

Maidaan Mein Laasha Hai Meray Bhai(a.s.) Ka Uriyan

Poshaak Meray Bhai(a.s.) Ki Hai Khoon Main Ghaltaan

Lillha Kafan Bhai(a.s.) Ko Pehnaiya Baba

Aey Hain Agar App To Ruk Jaiyay Baba (Ghar Jalgaya Main Kia Karon Farmaiyay Baba) x2

Abid(a.s.) Ko Bacha Lai Hoon Jaltay Huey Ghar Say

Go Shimr-e-Laeh Legaya Chadar Meri Sar Say

Sar Peh Meray Amamay Ko Phailaiyay Baba

Aey Hain Agar App To Ruk Jaiyay Baba (Ghar Jalgaya Main Kia Karon Farmaiyay Baba) x2

Baba Mujhay Jana Hai Abhi Qaid-e-Sitam Mein

Hona Hai Izafa Abhi Kuch Aur Bhi Ghum Mein

Dam Nad-e-Ali(a.s.) Baazoo Peh Kar Jaiyay Baba

Aey Hain Agar App To Ruk Jaiyay Baba (Ghar Jalgaya Main Kia Karon Farmaiyay Baba) x2

Baba Main(s.a.) Bohat Tarhpi Hoon Shabbir(a.s.) Kay Ghum Mein

Dil Tukrhay Hai Baba Mera Gazi Kay Alam Mein

Matam Karoon Yeh Reesmaan Khulwaiyay Baba

Aey Hain Agar App To Ruk Jaiyay Baba (Ghar Jalgaya Main Kia Karon Farmaiyay Baba) x2

Baba Main(s.a.) Rasan Basta Suey Shaam Chali Hoon

Lagta Hi Nahin Mujh Ko Keh Main Bint(s.a.)-e-Ali(a.s.) Hoon

Hamraah Najaf Ab Mujhay Lejaiyay Baba

Aey Hain Agar App To Ruk Jaiyay Baba (Ghar Jalgaya Main Kia Karon Farmaiyay Baba) x2

Khaimon Ki Jali Raakh Peh Baithi Hai Sakina(a.s.)

Sonay Kay Liey Dhondti Hai Baap Ka Seena

Shabbir(a.s.) Na Aaengay Yeh Samjhaiyay Baba

Aey Hain Agar App To Ruk Jaiyay Baba (Ghar Jalgaya Main Kia Karon Farmaiyay Baba) x2

Abbas(a.s.) Mera Sogaya Dariya Kay Kinaray

Pardes Mein Cheenay Gaey Sab Meray Saharay

Main Kis Kay Saharay Jiyon Batlaiyay Baba

Aey Hain Agar App To Ruk Jaiyay Baba (Ghar Jalgaya Main Kia Karon Farmaiyay Baba) x2

Had Hogai Asghar(a.s.) Sa Mujahid Bhi Nahin Hai

Aur Hoosh Mein Is Waqt To Abid(a.s.) Bhi Nahin Hain

Abbas(a.s.) Ko Dariya Say Bula Laiyay Baba

Aey Hain Agar App To Ruk Jaiyay Baba (Ghar Jalgaya Main Kia Karon Farmaiyay Baba) x2

Aththara Baras Pala Tha Jis Ko Woh Kahan Hai

Tooti Hui Ab Seena-e-Akbar(a.s.) Mein Sina Hai

Maidan Say Akbar(a.s.) Ko Utha Laiyay Baba

Aey Hain Agar App To Ruk Jaiyay Baba (Ghar Jalgaya Main Kia Karon Farmaiyay Baba) x2

Baba Mujhay Koofay Mein Phiraengay Siamgar

Le Jaaeyga Bazaaron Mein Yeh Shaam Ka Lashkar

Chadar Meray Sar Kay Liey Ban Jaiyay Baba

Aey Hain Agar App To Ruk Jaiyay Baba (Ghar Jalgaya Main Kia Karon Farmaiyay Baba) x2