Zainab Ka Hai Janaza

Zainab Ka Hai Janaaza, Zainab Ka Hai Janaaza,
Abbas Dekh Teri Behna Ka Hai Janaaza..

1. Taa Zindagi Mein Karti Maatam Tumhaara Bhaiya,
Farsh-E-Aza Bichha Kar Roti Mai Tum Ko Bhaiya,
Bekas Teri Behan Ka Uthta Hai Ab Janaaza..

Zainab Ka Hai Janaaza, Zainab Ka Hai Janaaza..

2. Zainab Ka Tha Yeh Nauha Talqeen Padhana Bhaiya,
Kandhon Par Apne Aake Mayyat Uthana Bhaiya,
Ghusl-O-Kafan Bhi Dena Uthay Agar Janaza..

Zainab Ka Hai Janaaza, Zainab Ka Hai Janaaza..

3. Zalim Ke Belche Se Zakhmi Huwi Phuphi Jaan,
Ghash Me Pade Hain Abid Koi Nahi Hai Apna,
Baba Madad Ko Aao, Uthta Hai Ab Janaaza..

Zainab Ka Hai Janaaza, Zainab Ka Hai Janaaza..

4. Akbar Madad Ko Aao Qasim Madad Ko Aao,
Dekho Phuphi Ki Haalat Chadar Tumhein Uda Do,
Abid Khada Hai Tanha Kaise Uthe Janaza..

Zainab Ka Hai Janaaza, Zainab Ka Hai Janaaza..

5. Roro Ke Likh Raha Hai Tera Shabhi Noha,
Dengi Duaen Zehra Sunkar Tumhara Noha,
Matam Karo Aye Shiyon Uthta Hai Aab Janaza..

Zainab Ka Hai Janaaza, Zainab Ka Hai Janaaza..