Paidal Najaf Se Karbobala Hum Bhi Jayenge

Hum Ko Yaqeen Hai Hame'n Mola Bulayenge
Paidal Najaf Se Karb O Bala Hum Bhi Jayenge

1- Sine Main Dill Ho Dill Main Kahi'n Karbala Na Ho
Nakara Aisa Dill Bhi. Kisi Ko Mila Na Ho
Hum Apne Dill Ko Karbobala Se Sajayenge

2-Apne Khuda Se Hur Ko Milati Hai Karbala
Raah E Khuda Main Marna Sikhati Hai Karbala
Hum Khud Ko Karbala Main Khuda Se Milayenge

3- Zaair Hai'n Sare Janib E Karb O Bala Rawa'n
Hathon Main Alam Thame Ye Badhta Hai Karwa'n
Mehdi Bhi Sath Inke Mashi Karne Aayenge

4- Jurrat Se Har Muhaaz Pe Rehbar Khade Hue
Zehra Ke Lal Se Hain Ye Dushman Dare Hue
Rehbar Ke Hum Ishary Pe Jaa'n Ko Lutayenge

5- Mazloom Ki Pukaar Ko Hone Na Denge Zam
Sehooniyat Mita Ke Hussaini Ye Lenge Dum
Is Parcham E Falastee'n Ko Hum Yu Uthayenge

6- Qasim Ka Lasha Ran Main Hai Pamaal Hogaya
Akbar Khuda K Deen Pe Qurban Hogaya
Asghar Sa Laal Deen Pe Mola Lutayenge

7- Rahwar Ki Ye Pushat Se Girte Hussain Hai'n
Jibreel Par Bicha Lo Ye Zehra Ke Chain Hai'n
Sar Ko Kata Ke Apne Ye Dee'n Ko Bachayenge

8- Sham E Ghreeba'n Chadar E Zainab Jo Lut Gayi
Yasrab Mai'n Fatima Se Lehad Apni Chut Gayi
Aabid Ko Zakhm Sare Ye Khoo'n Bhi Rulayenge

9- Karbal Se Sham Tak Na Sakina Hai So Saki
Baba Ke Ghum Mai'n Apne Ye Bacchi Na Ro Saki
Zindaa'n Mai'n Qabr Iski Bhi Aabid Banayenge

10- Parwardigar Tujh Se Ye "Naqvi" Ki Hai Dua
Hum Ko Bhi. Arbaeen Pe Tu Karbala Bula
Phir Karbala Mai'n Noha "Ali" Ye Sunayenge