Sar Ghazi Ka Rahwar

Sar Ghazi Ka Rahwar Ki, Gardan Se Bandha Hai,
Khoo'n Mai Bani Hashim Ka Qamar Dooba Huwa Hai..

1) Ladnay Ki Ijazat Nahi, Yeh Soch Ke Ghazi,
Maidaan Mai Ladnay Ki Tamannah Se Lada Hai..

2) Darya Ki Taraf Dekh K, Kehti Thi Sakina,
Ghazi Chacha Aajaoo Laee'n Maar Raha Hai..

3) Kehti Thi Behan Rakh Dega, Talwaar Zamee'n Par,
Bas Itna Kaho Saaniye Zahra Nay Kaha Hai..

4) Mashkizay Pe Yeh Teer Nahi, Dil Pe Chala Hai,
Behtay Huway Pani Ki Tarah Ghazi Gira Hai..

5) Dewaar Pe Sar Maar Ke, Mar Jana Hai Kaise,
Aey Shimr Yeh Abbas K Ash'al Ko Pata Hai..

6) Saqlain Alam Aaj Bhi, Deta Hai Gawahi,
Mashkiza Alamdar Ki Seenay Se Laga Hai..