Aao Ro Lain Shah E Karbala Ko

Aao Ro Len Shahe-Karbala Ko
Zindagi Ka Bharosa Nahi Hai

Jo Bhi Girta Hai Is Ghum Me Aansoo
Koi Bekar Jata Nahi Hai Aao...

1) Jab Jale Honge Khaime Haram Ke
Jab Chini Hongi Sar Se Ridean
Kya Bani Hogi Saidaniyon Per
Woh Sama Dil Se Jata Nahi Hai Aao..

2) Bahre Taazeem Utho Aye Akbar
Pardadari Karo Mere Dilbar
Arahi Hai Sawaari Phuphi Ki
Jiska Koi Sahara Nahi Hai Aao...

3) Karbala Me Jo Jayegi Zainab
Kya Bataegi Bhai Ko Zainab
Chutke Zinda Se Jo A Rahe Hain
Unme Pyari Sakina Nahi Hai Aao...

4) Jab Madeene Me Jayegi Zainab
Kya Bataegi Sughra Ko Zainab
Woh Nishaan E Rasan Bazuon Per
Neel Ab Tak Bhi Choota Nahi Hai Aao.....