Khun me duba aya alam abbas ka

Khun Me Duba Aya Alam Abbas Ka,
Karte He Matam Ehle Haram Abbas Ka..

1) Naher Pe Jab Pohncha Wo Sher Ali Ka,
Khof Se Bhage Phir Sab Lashkar E Ada,
Pani Ne Chooma Badh Ke Qadam Abbas Ka..

2) Kahte The Ye Sarwar Kah Do Mujh Bhai,
Ran Me Qayamat Ki Kaisi Ghadi Aai,
God Me Shah Ki Nikla He Dam Abbas Ka..

3) Mar Gaya Darya Par Wo Shere Delawar,
Shane Kate Dono Laga Gurz Bhi Sar Par,
Takte Rahe Hai Rasta Haram Abbas Ka..

4) Thame Kamar Apni Ye Kehte Hai Sarwer,
Koi Nahi Mera Ab Moniso Yawar,
Padte Hai Noha Shahe Umam Abbas Ka..

5) Peet Ke Sar Apna Rone Lage Bacche,
Kehte The Ham Yuhi Rehjainge Piyase,
Khali Jo Dekha Ate Alam Abbas Ka..

6) Sene Se Baccho Ko Zenab Ne Lagaya,
Mashko Alam Aye Gazi Nahi Aya,
Kese Uthega Zenab Se Gam Abbas Ka..

7) Pani Ko Tarsi He Masoom Sakina,
Kante Zaba Par He Duswar Hai Jeena,
Karti Thi Nala Ba Chasme Nam Abbas Ka..

8) Dengi Ayaz Tum Ko Zehra Bhi Duaen,
Ghurbat E Ghazi Jo Dunya Ko Sunaen,
Karta He Shehzad Noha Raqam Abbas Ka..