Jalta Hai Darwaza E Khatun E Jannat Ya Rasool(s.a.w.w.)

Jalta Hai Darwaza E Khatoone Jannat Ya Rasool,
Ho Gyi Hai Aaj Yasrab Me Kayamat Ya Rasool..

(1) Naazo Se Pala Tha Jisko Aaj Wo Mushkil Me Hai,
Fathe Khaibar Ali Bhi Sabr Ki Manzil Me Hai,
Fatema Kis Se Kare Jakar Shikayat Ya Rasool..

(2) Dar Jala Kar Qalb Dehlaya Gya Hasnain Ka,
Pasliya Todi Gyi Baage Fidak Bhi Le Liya,
Ye Mila Hai Aal Ko Ajre Risalat Ya Rasool..

(3) Raat Din Jis Dar Pe Juk Kar Aap Karte The Salam,
Naaz Karte The Farishte Ban Ke Jis Dar Ke Ghulam,
Bhool Bethe Qalma Go Us Dar Ki Azmat Ya Rasool..

(4) Qatl Jab Mohsin Huwe Veeran Duniya Ho Gyi,
Haaye Aththara Baras Me Hi Zaeefa Ho Gyi,
Zalimo Ne Is Qadar Di Hai Aziyat Ya Rasool..

(5) Bani E Zulmo Jafa Ne Zulm Ki Had Tod Di,
Jis Ghadi Haq Maangne Darbaar Me Zahra Gyi,
Aapki Beti Ki Juthla Di Sadakat Ya Rasool..

(6) Bar Sare Farshe Aza Zahra Ka Nouha Laaye Hain,
Kazimo Rizwan Pursa Paish Karne Aaye Hain,
Kijiye Maqbool Ye Ajre Risalat Ya Rasool..