Hum Azadare Karbobala Hain

Hum Azadar e Karbobala hain, hum Azadar e Karbobala hain.
Hum ko Bint e Nabi ki dua hai, hum Azadar e Karbobala hain.

1. Agaya hai Aza ka mahina gham mai dooba hai sara zamana,
Chhaayi duniya mai gham ki ghata hai, hum Azadar e Karbobala hain.

2. Aao matam karo saf banao ashk Sarwar(as)me gham mai bahao,
Aao Ghazi ka parcham khula hai, hum Azadar e Karbobala hain.

3. Daali buniyaad Zainab(sa)ne is ki ye Azadari hoti rahegi,
Ye sharf hum ko rab ne diya hai, hum Azadar e Karbobala hain.

4. Saans baqi hai jab tak tumhari yunhi karna Azadari Sheh(as)ki,
Dars ye Maa ne hum ko diya hai, hum Azadar e Karbobala hain.

5. Hai ibadat gham e Sheh(as)mai rona hai eemaan aqeeda hamara,
Zindegani hamari Aza hai, hum Azadar e Karbobala hain.

6. Kya muqaddar hai Saahil hamara hum ko Zahra (sa)ne bakhsha ye rutba,
Lab pe Hasnain ke ye sada hai, hum Azadar e Karbobala hain.