Kon Hai Jo Teri Chadar Ko Bachale Zainab (as)

Tujh ko Shabbir(as) kare kis ke hawaale Zainab(sa),
Kon hai jo teri chadar ko bacha le Zainab(sa).

1) Terwein waar pe Shabbir(as) ki aati thi sada,
Qatm hote hain nigaahoun ke ujaale Zainab(sa),
Kon hai jo teri chadar ko bacha le Zainab(sa).,

2) Jalte khaimoun mein sada deti thi yeh rooh-e-Hussain(as),
Badh ke Sajjad(sa) ko sholoun se utha le Zainab(sa),
Kon hai jo teri chadar ko bacha le Zainab(sa)..

3) Sar se chinnti hui chadar yeh sada deti rahi,
Khaak ko chadar-e-tatheer bana le Zainab(sa),
Kon hai jo teri chadar ko bacha le Zainab(sa)..

4) Dil pay chaayi hui ay Shaam-e-gharibaa'n tu bata,
Bhai ko roye ke bachon ko sambhaale Zainab(sa),
Kon hai jo teri chadar ko bacha le Zainab(sa)..

5) Bediya'an dhoop se tap jati thi'n chalte chalte,
Dekh ke roti thi'n Sajjad(as) ke chhaale Zainab(sa),
Kon hai jo teri chadar ko bacha le Zainab(sa)..

6) Bain the maadar-e-Akbar(as) ki zubaa'n par Akbar,
Aa gaye khaimon mein bhi barchiyon wale Zainab(sa),
Kon hai jo teri chadar ko bacha le Zainab(sa)..