Shabbir Madine Ki Taraf Dekh Rahe Hai

Aaghosh me hum shaqle paymber ko lita ke..
Shabbir madine ki taraf dekh rahe hai..


Baaki na raha koi bhi sarwar ka sahara..
Uthh'ta nahi shabbir se akbar ka janaza..
SaidaniyaN aa jaye na khaime se nikal ke..

Shabbir jawaN bete ko jaanu pe leeta kar..
Kehte hai ke kuchh bolo mere ay aliakbar..
Dam toda hai aaghosh me akbar ne tadap ke..

Ab tumhi najaf se yahaN aajao ay baba..
Ye lashe jawaN saath me uthhwao ay baba..
Hai kon jo is waqt musibat me sambhaale..

Akbar ka na tum rasta ab dekhna sughra..
Akbar ke kaleje me laga zulm ka naiza..
Ay beti huwe khakh woh armaan tumhare..

Jab lash uthane ko n tha muniso yawar..
Tanha hi uthaane lage bete ko hai sarwar..
Has has ke shaqi sheh ki taraf dekh rahe hai..

Ye likh ke kalam rone laga tha mera "Asmee"..
Baba ki zaeefi hai jawaN beta tha Zakhmi..
Gurbat pe Shahe wala ki bhar aayi hain Aankhe..