Hai Laqab Shehr e Ali

Farshe Karbobala Par Lahu Dekh Kar
Shere Haider Ne Angdai Lekar Kaha
Mere Aqaa Reza Jung Ki Dijiye
Khoon Nahi Khoon Ka Dariya Nazar Aayega
Ghaize Abbas Ko Dekh Kar Shah Ne
Parchame Haq Ke Saye Me Di Ek Sada
Mashk Lekar Tu Jaa Janibe Nahar Ja
Pyas Bachon Ki Gar Hai Bujhana Tujhe
Sabr Kar Mere Ghazi Na Karna Hai Jung
Deen E Islam Ko Hai Bachana Tujhe
Hai Laqab Shere Ali
Hai Laqab Shere Ali
Sunle Aye Fauje Shaqi
Main Hoon Abbas E Jari
Main Hoon Abbas E Jari

#1
Aslahe Zulm Ke Bekar Nazar Aayenge
Zer Qadmo Me Sitamgar Nazar Aayenge
Jaan Ki Apni Talabgar Nazar Aayenge
Sirf Maidaa’N Me Alamdar Nazar Aayenge
Ghaiz Aa Jaye Agar Tumko Bata Dunga Main
Itne Lashkar Ko To Dariya Pe Sula Dunga Main

#2
Saniye Haider E Karrar Hoon Ye Jaan Le Tu
Lashkar E Haq Ka Alamdar Hoon Ye Jaan Le Tu
Apne Aqaa Ka Wafadar Hoon Ye Jaan Le Tu
Jang Ke Waste Tayyar Hoon Ye Jaan Le Tu
Bach Nahi Sakta Ajal Se Tu Sitamgar Sunle
Chand Afraad Nahi Lakhon Ka Lashkar Sunle

#3
Main Dikhaunga Yaha Khoon Ka Dariya Tumko
Badla Badla Sa Nazar Aayega Sahra Tumko
Samne Aao Dikhata Hoon Main Jalwa Tumko
Ye To Dariya Hai Milega Nahi Qatra Tumko
Apne Qadmo Me Main Dushman Ko Jhuka Deta Hoon
Sar Uthaye Jo Agar Usko Qaza Deta Hoon

#4
Meri Raahon Me Sitamgar Jo Koi Aata Hai
Umr Bhar Yaad Rahe Aisi Saza Pata Hai
Meri Haibat Ko Jahaan Dekh Ke Tharrata Hai
Soorma Naam Se Abbas Ke Darr Jata Hai
Mere Shano Me To Haider Ki Basi Taqat Hai
Fateh Har Jung Me Pana Hi Meri Aadat Hai

#5
Khandane Bani Hashim Ka Jiyala Hoon Main
Aur Islam Ke Raato Ka Ujala Hoon Main
Malik E Kausar O Tasleem Ka Beta Hoon Main
Mashk Bharne Ke Liye Naher Pe Aaya Hoon Main
Rokle Mujhko Nahi Taab Tere Pahra Mein
Laash Hi Laash Nazar Aayegi Is Sahra Mein

#6
Meri Nazron Me To Aao Main Bata Dunga Tumhe
Hastiye Zulm O Sitam Aur Mita Dunga Tumhe
Jang E Khaibar Ka Nazara Main Dikha Dunga Tumhe
Goad Me Aaj Ajal Ki Main Sula Dunga Tumhe
Lashkar E Kufr Uthaunga Main Khaibar Ki Tarah
Sar Qalam Kar Ke Dikhaunga Main Haider Ki Tarah

#7
Meri Nazro Me Tabahi Ka Wo Manzar Dekho
Bhagne Walo Meri Simt Palat Kar Dekho
Aye Jahan Walo Mere Ghaiz Ka Tewar Dekho
Bhagta Zulm O Sitamgar Ka Ye Lashkar Dekho
Jang Me Maine Kabhi Haar Nahi Dekha Hai
Aur Tum Sab Ne Mera Waar Nahi Dekha Hai

#8
Ghaiz Me Shah Ka Alamadar Nahr Par Pahoncha
Lashkare Zulmon Sitam Chhod Ke Dariya Bhaga
Mauje Dariye Ne Paye Sher Ka Bosa Paya
Aabe Dariya Ne Alamdar Ka Pahra Paya
Koshishein Karta Raha Nahr Ka Behta Paani
Par Labe Hazrate Abbas Na Pahuncha Paani

#9
Yaad Aaya Jo Shahe Deen Se Kiya Tha Wada
Ghaiz Ko Apne Wafadar Ne Qabu Me Kiya
Abe Dariya Ko Alamdar Ne Chullu Me Liya
Ghamzada Ho Ke Use Janibe Dariya Phenka
Aayi Tasweer E Sakina Jo Nazar Paani Me
Ro Pade Thaam Ke Abbas Jigar Paani Me

Ya Ali Adrikni
Ya Ali Adrikni
Al Madad Yabna Ali
Al Madad Yabna Ali
Aye Husain Ibne Ali
Ya Ali Adrikni
Ya Ali Adrikni

#10
Janibe Khaima E Shah Gazi O Jarrar Chala
Yu Kahoon Bali Sakina Ka Talabgar Chala
Apne Hatho Me Liye Mashk Almadar Chala
Nahr Se Bhaga Hua Lashkare Kuffar Chala
Mash Ab Kaise Liye Janibe Driya Jaye
Kat Gaye Bazauye Abbas Nahr Par Haye

#11
Ho Gaye Shane Qalam Aas Na Phir Bhi Tooti
Sah Liya Zulmo Sitam Aas Na Phir Bhi Tooti
Thama Ghutno Se Alam Aas Na Phir Bhi Tooti
Ladkhadate Hain Qadam Aas Na Phir Bhi Tooti
Chid Gayi Mashke Sakina To Kaha Ghazai Ne
Aye Bhatiji Na Kiya Wada Wafa Ghazi Ne

#12
Munh Ke Bal Farsh Pe Jab Ghazi O Jarrar Gira
Aayi Khaimo Me Sada Mera Wafadar Gira
Gurz Jab Sar Pe Laga Shah Ka Alamdar Gira
Pyase Bacho Ka Labe Nahar Talabgaar Gira
Pyase Bacho Ne Sada Di Hai Meri Aas Kahan
Shah Ne Awaz Diya Ho Mere Abbas Kaha
Karwatein Khaak Pe Leta Tha Alamdar E Husain
Teer Aankhon Me Tha Kis Tarah Wo Pata Bhi Chain

#13
Jab Chidi Mashk Kata Bazu Laga Gurze Sitam
Bole Abbas Alamdar Khuda Kar De Karam
Aaye Mainda Me Kamar Thame Huye Shah E Umam
Tham Gaye Dekh Ke Ghazi Ko Sahe Deen Ke Qadam
Teero Talwar Se Aadaa Ne Sitam Wo Dhaya
Shah Ne Tukdo Me Akhi Ko Labe Dariya Paya
Bole Abbas Almadar Main Sharminda Hoon
Aye Mere Saiyado Sardar Main Sharminda Hoon

#14
Chand Lamhon Me Judai Meri Ho Jayegi
Pyasi Khaimo Me Sakina Meri Rah Jayegi
Laash Khaime Me Aye Aqa Na Meri Le Jana
Main Sharminda Sakina Se Yahi Keh Dena
Zakhm Aankho Me Hai Dushwar Mera Hai Jina
Aapka Aakhri Deedar Mujhe Hai Karna
Bhai Ne Bhai Ki Khwahish Ko Kiya Yoon Pura
Saaf Aankho Ka Lahoo Kar Ke Pukara Bhaiya

#15
Zanuye Shah Pe Abbas Ne Dam Tod Diya
Sabr Aye Azhar O Arshad Shahe Wala Ne Kiya
Apne Hathon Me Alam Bhai Ka Bhai Ne Liya
Aur Maqtal Se Shahe Deen Ne Ye Awaaz Diya
Aye Sakina Nahi Bujh Payegi Bachchon Ki Pyas
So Gaya Nahr Pe Bazu Ko Kata Kar Abbas
Inna Lillahe Wa Inna Elaihe Rajeoon