Geera hai Kha ke Sina Ran Me Naujawan Akbar

Sina jo seena e Akbar me aake toot gayi..
Jawaan laal ko sheh dhoondhne nikalte hain..
Dikhai kuch nahi deta Husain ko run me..
Kabhi wo girte hain gir kar kabhi wo uthtey hain..
Geera hai kha ke sinaN Ran me naujawaN Akbar...
Hussain dhundh rahe hai Yahan Wahan Akbar...

Tumhare baap ko has has ke dekhte hain shaqi
Jigar me maar ke do (2) 
tere barchiya Akbar..

Hussain dekh ke bete ka pehlu kehte the..
Hain yaad aa gayi amma ki Pasliya Akbar..

Najaf se maine bulaya hai dada Haider ko
Abhi na hona tu be-jaan meri jaa Akbar..

Shaqi ne seene me ye keh ke barchi todi hai
Hussain kaise nikalenge ye sina Akbar..

Zaeef baba hai Sabir ye sabr kar lega..
Dikhawo sine me tooti huwi seena Akbar..

Hamare zaanu pe tum todte ho dum beta..
Duaein jeene ki karti hai Teri maa Akbar..

Jawan lal ko dulha banane wali thi..
Qaza ne chhin liya uska ye jawan Akbar..

Zameen e garm pe Laila giri hain ghash khake
Chada jo katt ke Tera sar ser e sina Akbar

Hai jaese zahra ne pala mujhe tumhe waise
Chala ke pala hai Zainab ne chakkiya Akbar..

Hussain kar na sake kuch Turab aur Asmee
Radag ke mar Gaya maqtal me Ediya Akbar..