Kya Sakina Ko Neend Aagai

Kya Sakina Ko Neend Aagayi Qaidiyon Par Qayamat Huwi

Gham Se Madar Tadrapti Rahi Qaidiyon Par Qayamat Huwi

1) Maa Ye Kehti Thi Sajjad Se Beta Abb Na Jagao Isea
Sogayi Kab Ki Jaagi Huwi Qaidiyon Par Qayamat Huwi

2) Dekh Kar Nabz Hamsheer Ki Rooke Abid Ne Aawaz Di
Ruh Tan Se Alag Hogayi Qaidiyon Par Qayamat Huwi

3) Touq O Zanjeer Pehne Huwe Daste Abid Larazne Lage
Jab Sakina Ki Mayyat Uthy Qaidiyon Par Qayamat Huwi

4) Boli Zainab Utho Meri Jaan Jaa Raha Hai Watan Karwaan
Qaid Se Ab Rihayi Mili Qaidiyon Par Qayamat Huwi

5) Yaad Sughra Ko Karte Huwe Ghar Ko Jaane Ki Hasrat Liye
Dafn Zindaan Mea Hogayi Qaidiyon Par Qayamat Huwi

6) Gaal Neele Hai Seena Jala Khoon Bhare Kan Zakhmi Gala
Kitne dard o Alam Sehgayi Qaidiyon Par Qayamat Huwi

7) Jab Mujeeb Aur Qaleele Hazeen Pahounche Qaide Sitam Ke Qareen
Ahle Gham Mea Thi Noha Giri Qaidiyon Par Qayamat Huwi