Barchi ki ani

Barchi ki aani seena-e-Akbar (a.s) mein toot ke
Sharminda hai Hussain (a.s) ki duniya ko loot ke

Laila (s.a) ke bain, Zainab (s.a) ki muztar ki aah par
Roye hain aasman o zameen phoot phoot ke

Abbas (a.s) hain na, Qasim (a.s) o Akbar (a.s) ka khauf hai
Khaime jala diye gaye asbaab loot ke

Teer-e-sitam, tabassum-e-Asghar (a.s) ki zad par hai
Pachta raha hai dast-e-sitamgar se chhoot ke

Batil ko be-naqab sar-e-aam kar diya
Girne lage ghuroor ke bout toot toot ke

Nayab faisla Haq o Batil ka ho gaya
Karb o Bala mein katey gaye paon jhoot ke