Alamdar e Hussain

*Alamdare Husain*

Baba ki apne pahen ke dastaar aata hai
Karne sitamgaro ko wo finnar aata hai
Ghaazi ko dekh kar yahi kahta tha har adu
Bhago ke ibne haidare karrar aata hai

Alamdar Alamdar Almadar

Sani E Ali Maula (2)
Madadgare Hussain , hussain , hussain

Alamdar e hussain (4)

1. Husainy fauj ka salar hai Mera Ghaazi
Ali ke jaisa alamdar hai mera Ghaazi
Misaale jafare tayyar hai mera Ghaazi
Samar hai fatima Zahra ki ye duaao ka
Qasam khuda ye quran hai wafao ka

Alamdar E Hussain (4)

2. Ali ke ghar me khuda ne ise utara hai
Qamar hai Hashmi ye panjatan ka pyara hai
Abbas zainab o kulsoom ka sahara hai
Shabihe Shere jali banke aagaya ghaazi
Ali ke ghar me ali banke aagaya ghaazi

Alamdar E Hussain (4)

3 .Taharato ne sawara hai parchame abbas
Dukhi dilo ka sahaara hai parchame abbas
Hame to jaan se pyaara hai parchame abbas
Alam abbas ka chumo to chain milta hai
Isi ke saaye me mola Husain milta hai

Alamdar E Hussain (4)

4. Zabaan khole to guftaar me ali jaisa
Chale to chaal me raftaar me ali jaisa
Sabih o qamat o kirdaar me ali jaisa
Jari hai sher hai kirdaar hai mera Ghaazi
Ali ka hubahu Shahkaar hai mera Ghaazi

Alamdar e hussain (4)

5. Chala jo mashk o alam leke saniye haider
Ali ke sher ke dekhe uduu ne jab tewar
Zamee larazne lagi ashqiya pe chaya dar
Taraai ne bakhuda pyaas ko salami di
Har ek mauj ne abbas ko salami di

Alamdar e Hussain (4)

6. Labe forat jab aaya ali ka laal jari
Qadam ukhad Gaye dariya se bhagi fauje shaqi
Ulat ke naher ko Ghazi ne apni mashk bhari
Jo Chalti dasht me talwaar ibne haider ki
Yazeedi fauj ko yaad aati jange khaibar ki

Alamdar E Hussain (4)

7. Yahi hai har ghadi Jawad ham dua karte
Hayaat guzre wafadar se wafa karte
Ye saans toote alamdar ki Sana karte
Yaqee hai Ghazi shifa'at karega ham sab ki
Husain ka ye sahara hai aas zainab Ki