Karbala Walon Ki Zinda

Karbala walon ki zinda Aaj bhi takbeer hai
Ja ba ja barpa jahan me matame Shabbir hai

Bewafayii aur Abbas e jari mumkin nahin.
Ye dua e Fathema ki bolti tasveer hai.

Poochte hain shahe Deen aye hurmula itna bata...
Tashna lab nanhe Ali Asgar ki kya taqseer hai.

Zulm ki ye inteha hai sayyed e Sajjad per...
Berida Darbar me jo Zainab e dilgeer hai...

Khutba e Zainab se zalim is tarha bebas huwa...
Jaise ye khutba Nahin hai haidari Shamsheer hai...

Waqiya Karb o Bala ka guzre sadyan hogayeen...
Aaj bhi taza jahan me matam e shabbir hai...

Dag e matam hain jo seenon per tumhare Momino...
Matam e shabbir ki ye asl me tasheer hai.

Kis tarha se hum bhulayen Karbala ka waqiya...
Hath senon per hain Dil me Karbala tehreer hai...

Karbala ka zikr karte hain Jo hum Qaisar Hasan...
Pak daman maaon ke ye doodh ki taseer hai