Kaat Kar bajoo Ko Mara

Kaat kar baaju ko maraa Bawafa abbas ko..
Ro Rahi hai Lash par maa fatema abbas ko.

Dono baju kat chuke the aankh me bhi teer tha..
Kis tarah zeeN se giraya bawafa Abbas ko..

Khaime me laaye Alam ko Aur mashkiza chhida..
Nehr se laaye nahi shaahe hoda abbas ko...

Tukde tukde lash zainab ran me hai bikhri hui..
Kar diya paamal dekho ba wafa abbas ko...

Hass ke bola shimr bachhi ko tamacha mar kar..
Dekh le aawaz de ke tu chacha abbas ko..

Jab Gale par shaah ke khanjar chalaya shimr ne..
Zakhmi honthho se di sarwar ne sada abbas ko..

Nauke naiza se ridayeN chhin kar bola laeeN..
Naaz tha tujhko ay zainab jaa bula abbas ko..

Hath me zainab ki chadar aur sakina ke ghohar..
Nehr par aaya Dikhane be haya abbas ko..

Shaam ke bazaar me ghode ki gardan ki taraf
Dekh ker rote rahe Zainul eba Abbas ko..

Asmee o jafar sakina mar gayi zindaan me
Yaad karte karte her lamha chacha Abbas ko..