Sakina Kehti Thi Baba Mujhe Bohat Maara

Sakina Kehti Thi Baba Mujhe Bohat Maara,
Jahan Bhi Jis Ne Bhi Chaha Mujhe Bohat Maara..

1) Madine Walay Muhammad Ki Main Nawasi Hoon,
Bataya Jis Ghari Main Fatima Ki Poti Hoon,
Jo Naam Dadi Ka Aaya Mujhe Bohat Maara..

2) Yeh Dard Ho Ga Faramosh Na Kabhi Mujh Se,
They Oss Ke Hath Tumhare Lahu Mein Dobay Hoye,
Keh Jin Se Shimar Ne Baba Mujhe Bohat Maara..

3) Woh Khon Rota Tha Halat Ko Dekh Kar Meri,
Tamachay Lagtay Gaye Main Zaeef Hoti Gayi,
Gawah Hai Mera Bhaiyya Mujhe Bohat Maara..

4) Youn Apne Bachoon Ko Bazar Mein Hansatay Rahe,
Khushi Ke Wastay Unn Ki Mujhe Rolatay Rahe,
Main Chup Hoi Tu Dobarah Mujhe Bohat Maara..

5) Laeen Ne Dala Tha Zulfoon Mein Jaisay Hath Tere,
Tumhare Lashay Se Zindan-E-Sham Tak Aisay,
Pakar Ke Baloon Se Baba Mujhe Bohat Maara..

6) Bichar Gayi Thi Safar Mein Main Aount Se Gir Kar,
Talash Khatam Hoi Jab Laeen Ki Mujh Par,
Uthaya Shimar Ne Durrah Mujhe Bohat Maara..

7) Lehad Mein Aaein Gi Dadi Tu Unn Se Bolon Gi,
Main Chaar Barson Mein Lagti Hoon Aap Ke Jaisi,
Hoon Main Bhi Pehlu Shikasta Mujhe Bohat Maara..

8) Lehad Behan Ki Jo Mohsin Banai Abid Ne,
Yeh Haal Tha Abhi Mar Jaye Ga Woh Ro Ro Ke,
Lehad Se Uthta Tha Noha Mujhe Bohat Maara..