Haal Kya Ho Gaya

Haal kya ho gaya...
Main Sakina Hoon Dekhiye Baba Haal Kya Ho Gaya Sakina Ka.
Jab Se Utha Hai Aap Ka Saya Haal Kya Ho Gaya Sakina Ka.

Mere Rukhsaron Ki Tarha Itnay 
haye..
Zakhmi Rukhsar Jo Tumhare Hain.
Meri Tarha Tumhein Bhi Zalimo Ne
Haye Kitne Tamachay Marey Hain.
Haal Kya Ho Gaya Tera Baba
Haal Kya Ho Gaya Sakina Ka.

Main sakina...

Jab Huve Zibha Aap Maqtal Mein Mar Gayi Thi Main Jeetay Jee uss Din.
Aap Ke Baad Sham Tak Chal Kar,
Zindah Aa Jana Kab Yeh Tha Mumkin.
Chal Ke Aaya Hai Yeh Mera Lasha Haal Kya Ho Gaya Sakina Ka.

Main sakina..

Kya Bataon Tumhari Beti Ko Sham Mein Shimar Kaisay Laya Hai.
Kabhi Ghodo Ke Sath Dodaya Aur Kabhi Naqay Se Giraya Hai.
Choor Zakhmo Se Hai Badan Sara Haal Kya Ho Gaya Sakina Ka.

Main sakina...

Jaisay Baloon Se Sar Tera Pakda Vaisay Baloon Se Mujh Ko Pakda Gaya.
Hath Rangeen Jo Tere Khoon Se They Unhi Hathoon Se Mujh Ko Jakda Gaya.
Shimar Aisay Mujhe Satata Raha Haal Kya Ho Gaya Sakina Ka.

Main sakina...

Tang Rasi Mein Tha Gala Mera Bolti Hoon To Bola Jata Nahi.
Pyas Se Khushk Thi Regain Pehle Ab Ghuttan Hai Ke Sans Aata Nahi.
Hai Abhi Tak Mera Gala Dukhta Haal Kya Ho Gaya Sakina Ka.

Main sakina...

Pusht Par Neel Taziyano Ke Kaisay Baba Tujhe Dikhaon Main.
Aur Shano Pe Zakhm Naizon Ke Kitne Hain Baba Kya Bataon Main.
Zalimo Ne Mujhe Bohat Mara Haal Kya Ho Gaya Sakina Ka.

Main sakina...

Zakhmi Rukhsaron Par Mere Jis Dam, Phoophi Amma Ke Ashk Girtay Hain.
Gaud Se Unn Ki Uthh Ke Dekhti Hoon Ro Ke Sajjad Sar Ko Pitt tay Hain.
Kehti Hain Jab Yeh Zainab-e-Kubra Haal Kya Ho Gaya Sakina Ka.

Main sakina...

Chup Hoi Beti Haye :JOUN:-o-:ASAD: Baap Ke Sar Ko Dukh Sunatay Huve.
Uth Ke Bolo Yeh Ro Ke Kehti Thi Zakhmi Beti Ko Maa Hilatay Huve.
Bhai Lasha Utha Ke Kehta Tha Haal Kya Ho Gaya Sakina Ka.

Mai sakina dekhiye baba haal kya ho Gaya sakina ka..