Zafar E Jin

Ghulam e Fatah e Beerul Alam Main Zafar Hoon
Qaum e Jinnat Ka Shah e Ummam Main Zafar Hoon
Khaas Mujh Per Hai ALI (ASWS) Ka Karam Main Zafar Hoon
Aaj Rota Hoon Magar
Thaam Kar Apna Jigar
Dasht Main Mara Gaya
Mere Aaqa Ka Pisar

Hai Ye Afsos Me Mojood Raha
Jaan MAULA (ASWS) Pe Fida Karnasaka
Haye Kuch Kar Na Saka… Zafar E Jinn

…Suno Main Tum Ko Batata Hoon Waqaya Jo Hua
…Roze Ashoor Tha Pehla Hua Tha Raaj Mera
…Vo Mere Jashn Ka Din Tha Saja Tha Taaj Mera

Do Ghulaamon Ne Mere Aake Kaha Ae Maalik
Jiske Baba Ke Sabab Taj Mila Ae Maalik
Qatl Hota Hai Jo Malik He Tera Ae Malik
Hogaya Hashr Bapa
Taj Pairon Me Gira
Apne Lashkar Ko Liye
Main Chala Karbobala

Meri Parwaz......

Meri Parwaaz Hui Shehre Musayyab Pe Tamaam
Mujhko Tahad-e-Nazar Aya Nazar Lashkare Shaam
Main Barha Agay Ke Miljayen Mujhe Mere IMAM (ASWS)
Ruk Gaye Mere Qadam…Ruk Gaye Mere Qadam…

Jahan SHABBIR (ASWS) Ko Insanon Ne Tanha Dekha
Meri Aankhon Ne Wahan Laakhon Ka Majma Dekha
Ambiya Bhi They Malaaik They Ajinnah They Kharay
Aisi Noorani Bashar They Ke Nazar Na Tehre

Ek Jaanib The RASOOL E ARABI(SAWS), Ek Jaanib They ALI (ASWS), Ek Jaanib HASAN IBNE ALI (ASWS)
Phir Na Aankhon Ko Mere Taab Rahi, Maine ZEHRA (SAWS) Ki Sawaari Dekhi

Apni Nazron Ko Jhuka Kar Jo Hataya Peeche
Nabi Adam (as) , Nabi Musa(as) , Nabi Haroon (as) Dikhe
Isa (as) o Yusuf (as) o Yaqoub (as) Bhi Pehlu Main Mile
Hud (as) aur Lut (as) Kahin Nuh (as) Kahin Khizr (as) Kaheen
Zikriya (as) Yarmiya(as) Aur Shees (as) O Sulaiman (as)Bhi They

Mukhtasir Ye Ke Nabi Saare Wahaan They Maujood
Un Ke Peeche Thi Malaaik Ki Qataarain Maujood
Farishte Gaane Jahanumm - Farishte Gaane Bahisht
Israel, Israfeel, Mikael, Dardaeel
Rizwan aur Maalik, Fitrus Wa Jibrael

Saath SHABBIR (ASWS)Ke Maujood They Sab Aali Muqaam
Maine Socha Ke Kahan Jaaye Bhala Adna Ghulam
Mujhko Pehchaan Bhi Paayen Ya Nahi Mere Imam
Haaye Umeed Meri Dil Me Murjhaane Lagi
Ke Achanak Se Wahan Ye Sada Aane Lagi
Aao Zaafar Aao Zaafar
Aao Zaafar Tumhe SHABBIR (ASWS) Ne Bulwaya He

Zafar E Jinn Ana Jafar E Jin

Pohoncha Qadmo Me Kaha Maula Shahe Jinn o Bashar
Ho Salam Aap Pe Iss Jinn Ka Shahe Jinn o Bashar
Hukm Pe Aapke Hoon Fidya Shahe Jinn O Bashar
Dil Mera Doob Gaya
Jab Ye MAULA (ASWS) Ne Kaha
Tum Palat Jaao Agar
Hone Aaye Ho Fida

Maine MAULA (ASWS) Se Kaha Izn Mujhe Den Shahe Deen
Bolay SHABBIR (ASWS) Ye Jinnat Ki Hai Jung Nahi
Main Ye Bola Kahan Insa’n Hen Darinde Sabhi
Bolay SHABBIR (ASWS) Ke Nana Ki Ye Ummat He Meri
Inhe Tum Kuch Na Kaho, Inhe Tum Kuch Na Kaho

Tum Hi Batlao Jiyoon Kaise Bhala Me Zafer
Aao Dikhlaaon Tumhe Karbobala Main Zaafar
Janisaaron Ke Janaaze Dekho
Mere Pyaaron Ke Ye Laashe Dekho
Tukre QASIM (ASWS) Ka Saraapa Dekho
Zakhmi AKBAR (ASWS) Ka Kaleja Dekho
Kaheen ABBAS (ASWS) Ke Baazu Kaheen ASGHAR (ASWS) Ka Gulu
Run Me Bikhra He Sabhi Bani Hashim Ka Lahu

Dil Ko Ab Taab Nahi Phatne Laga He Ye Jigar
Isse Agay Main Bayaan Karnahi Sakta Manzar
Mukhtasir Ye Ke Huay Qatl Shahe Jinn O Bashar
Wada ABID (ASWS) Se Kiya
Main Hoon Masroof E Aza
Jab Talak Zinda Raha
Main Karoonga Girya

Tha Yahi Mesum o Salman Kalaam E Zaafar
Karbala Main Hain Jahan Dafn IMAM E Zaafar (ASWS)
Usse Kuch Door Hai Maujood Muqaam E Zaafar
Zafar E Jinn Ne Kiya
Apne Waade Ko Wafa
Aakhri Saans Talak
Thi Labon Par Ye Sada