Maqtal Imam Hussain

Jab Shimr Marta Tha Tamacha Hussain Ko
Aati Thi Yaad Bali Sakina Hussain Ko

Jab Shimr Marta Tha Tamacha Hussain Ko

1. Naizey Ki Nook Mar Kay Pasli Mein Baar Baar
Jalti Zamee'n Pey Zeen Say Giraya Hussain Ko 

Jab Shimr Marta Tha Tamacha Hussain Ko

2. Pathar Kisi Ne Marey To Phenki Kisi Ne Khaak
Run May Kisi Nay Balon Say Khencha Hussain Ko

Jab Shimr Marta Tha Tamacha Hussain Ko

3. Khanjar Chala Raha Hy Wo Seene Pa Beith Kar
Aray Beti,Aray Bachi Naa Aa Kay Dekh Ley Baba Hussain Ko

Jab Shimr Marta Tha Tamacha Hussain Ko

4. Ek Maa Nay Baal Kholay Hain Bilkul Usi Jagah
Jis Jaa Pey Shamiyo Nay Giraya Hussain Ko

Jab Shimr Marta Tha Tamacha Hussain Ko

5. Sattar Qadam Say Dekh Kay Khanjar, Kabhi Gala
Zainab Nay Tera(13) Baar Pukara Hussain Ko

Jab Shimr Marta Tha Tamacha Hussain Ko

6. Zibha Kay Wakqt Dete Hain Paani Zabeeh Ko
Maqtal May Qatl Kardiya Piyasa Hussain

Jab Shimr Marta Tha Tamacha Hussain Ko

7. Khanjar To Sirf Pyaase Ki Gardan Pey Chal Gaya
Abbas Teri Maut Nay Maara Hussain Ko

Jab Shimr Marta Tha Tamacha Hussain Ko

8. Zeeshan Pasliya'n Thi Shikasta Bawaqt e Dafn
Abid Nay Kis Tarhan Say Uthaya Hussain Ko

Jab Shimr Marta Tha Tamacha Hussain Ko
Aati Thi Yaad Baali Sakina Hussain Ko

Jab Shimr Marta Tha Tamacha Hussain Ko