Ghurbat e Imam Hussain

Bichhta hai jahaaN farsh e gam e sibt e payambar
Ek bibi wahaaN aati hai turbat se nikal kar
Hantho ko rakhe pehlu pe aati hai wo muztar
Ye beti payambar ki haiN shabbir ki madar

Ye Fatema Zahra hai jo majlis me hai aayi..
Ye nauha Azadaron ka deta hai sunayi..

Muslamano ne Gurbat me lahoo sheh ka Rulaya hai...
Ridayen Loot li Saidaniyo ko bhi Sataya hai..

*HAAYE AUN O MOHMMAD*
Ay Bibi Saani e Zahra ke bete Mar gaye dono..
Sada Bhai ko Royi hai Na Ro Payi Wo BetoN ko.
Jiger ke tukdo ka gham bhi na Zainab ne manaya hai

*HAAYE QASIM*
Ay Bibi Aapke Qasim ko Ran me ger kar maara..
Hasan ka phool tukdo me bikhar ke reh Gaya tanha..
Janaza Dasht se qasim ka ek Ghathdi me aaya hai...

*HAAYE ABBAS*
Ay bibi Zamin e chadar Jari Abbas ka gham hai
Kate Baaju, Juda sar, Zakhm se uski kamar kham hai..
Shaqi ne kaat ke HaathoN ko Phir jeeN se giraaya hai..

*HAAYE ALIAKBAR*
Ay bibi ye Masibat hai..
18ra Saal Wale ki..
Sitam ne Sina e Akbar..
pe hai aisi seenaN maari..

Kaha Jab ye ali Akbar..
Salame Aakhri baba..
Pisar ke Lashe pa Ran me..
Chale hai GutniyoN moula..

Dikhayi kuchh nahi deta..
Mujhe Aawaz do beta..
Shaqi haste the Gurbat par..
KahaN ho Jab Kaha Moula..

Khalil aawo yahaN dekho..
Nahi hai Aankh par patti..
Khud Apne Haath se moula
Jigar se khenchi hai barchhi..

Ay Bibi khakh par edi ragadta tha Aliakbar..
Jigar me phal tha barchi ka tadapta tha ali akbar..
Na jane kis tarha sarwar ne naize ko churdaya hai

SeenaN ke Sath bete ka Kaleja bhi Nikal aaya..
Bada hi Sakht tha Lamha Tumhare Lal par Zahra..
Jawa'N bete ke KandhoN par Zaeefi ne Uthaya Hai..

*HAAYE ALIASGHAR*
Ay bibi ek Bacche ko badi berehmi se maara..
Gale pe Teer mara phir nikala kabr se lasha..
Sare besheer bhi zalim ne Neze PA Chadaya hai..

*HAAYE HUSSAIN*
Ay bibi Dil Tadpata hai
ZabaN bhi thar Tharaati hai
Tumhare Pyaase Bachhe ko
Kabhi TeeroN ka hamla hai

Kabhi Talwaar Chalti hai
Kabhi Pehlu Pe naiza hai
Tamacha Shimr ne maara
Koi Patthar se maara hai

ZameeN me Zaljala Aaya
Falaq Se Khoon barsa hai
Sitam ki hai ghata chhayi
Qayamat ki ghadi aayi

Sambhalo Fatema dil ko na dekha jayega Manzar..
Ay bibi Aapne paala jise hai chakkiyaN piskar..
Usi bete ki Gardan par LaeeN khanjar chalaya hai..

Lagi thi 13 zarbein Or gala bhi khushq tha sheh ka
Sulagti ret per sheh ne kiya jab aakhri sajda..
Ay bibi aapki aaghosh me ser ko kataya hai..

Ay bibi Baade Sarwar hai sitam ye Sham walo ka..
Looti hai Chadre zainab khayamo ko jalaa dalaa..
sakina ke chhine Ghohar, Tamacha bhi Lagaya hai..

"Muzammil" Dastan Ye gham bhari "Asmee" likhe kaise..
Nabi zadi hai be Chadar Tamashyi sharaabi hai
Khule sar shaahzadi Ko Layino Ne phiraya Hai