Zindabad Hussainiyat Zindabad

Zindabaad Husainiyat Zindabaad

Parchame Abbas Hum Uthayenge
Shah Ka Gham Hum Sada Manayenge
Shamma Hussaini Sada Jalayenge (2)
Farshe Aaza Hum Sada Bichayenge
Zindabaad Husainiyat Zindabaad

Sabr Tera Woh Teri Himmat Hussain
Azm-o Hawsla Teri Quwat Hussain
Yaad Hain Woh Teri Shahadat Hussain (2)
Kaam Aayegi Teri Ulfat Hussain
Zindabaad Husainiyat Zindabaad

Al-Atash Ki Hum Ko Sada Yaad Hai
Aur Shaheedo Ki Ada Yaad Hai Sarse
Jo Cheeni Woh Rida Yaad Hai(2)
Ek Ghamzada Ki Dua Yaad Hai
Zindabaad Husainiyat Zindabaad

Gazi Alamdar Ki Wafaaye
Aur Sitamgaro Ki Jafaaye
Ghamzada Bahen Ki Woh Duaye (2)
Zulm Ki Chalti Huwi Hawaaye
Zindabaad Husainiyat Zindabaad

Karbala Me Loot Gaya Zahra Ka Ghar
Pyaase Thay Atfaal Shahe Bahr-o-Bar
Sajde Mei Kaata Laaeen Ne Shah Ka Sar(2)
Aal-e Nabi ko Phiraya Dar Badar
Zindabaad Husainiyat Zindabaad

Roye Ghame Shah Me Ambiyaa
Giriya Kuna Hai Sabhi Malayekaa
Karte Hai Jinnat Bhi Aah-o-Buka(2)
Aaj Bhi Roti Hai Binte Mustafaa
Zindabaad Husainiyat Zindabaad

Talib-o-Zahid Ne Mil Ke Di Sada
Sheh Ke Dam Se Zinda Hay Din-e Khuda
Sunle Yazid-e-Waqt Dushman-e-Aza (2)
Likhkar Zahir Nohay Ki Dega Azaan
Zindabaad Husainiyat Zindabaad