Sehra (Hazrat E Qasim)

Maa Ye Kehti Thi Tumhe Ras Na Aaya Sehra
Nojawani Me Tumhe Ras Na Aaya Sehra

1. Phool Sehre Ke Uthate H Hasan Or Ali(2)
Zere Karbal H Ye Bikhra Hua Kiska Sehra

2. Hay Maqtal Me Tha Bejan Pada Lasha Tera(2)
Jiska Bano Ne Tha Ghar Me Hi Sajaya Sehra

3. Arsh E Azam Se Bhi Rone Ki Sadaye Aayi(2)
Jab Farishto Ne Sar E Arsh Sunaya Sehra

4. Phool Sehre Ke Rakhe Jate H Us Mayyat Par(2)
Nojwani Me Bhi Jo Bandh Na Paya Sehra

5. Ashk Aankho Se Rawa'n Hote H Maa Ki Dilbar(2)
Tere Hi Khoon Se Maqtal Me Nahaya Sehra

6. Phool Sehre Ke Meri Jan Lahoo Me Dube(2)
Aesa Lagta H Teri Lash Pe Tadpa Sehra

7. Tumko Pamal Kiya Hay Sitamgaro Ne(2)
Shah Ne Kehke Ye Aankho Se Lagaya Sehra

8. Hashr Tak Uthti Rahegi Teri Mehndi Qasim (2)
Or Tabut Pe Bandhegi Ye Duniya Sehra

9. Khud Ba Khud Chalta H Shadab Jigar Par Khanjar(2)
Jab Kabhi Hazrat E Qasim Ka Sunaya Sehra