Gehwaraye Asghar

Haaye Gehwaraye Asghar(a.s) x 2

Maa Jo Gehwaraye Besheer Liye baithi hai  (2)
Nashtare Gardish e Taqdeer Liye baithi hai.
Maa Jo Gehwaraye Besheer Liye baithi hai  (2)

1.Aata hoga mera bachcha abhi Paani Pee kar (2)
Maa tasavvur me Yeh tasveer liye baithi hai.

Maa Jo Gehwaraye Besheer Liye baithi hai  (2)

2. Hurmala waqt k dhaare ka gala zakhmi hai (2)
Saari Duniya khalishe teer Liye baithi hai.

Maa Jo Gehwaraye Besheer Liye baithi hai  (2)

3. Shimr khanjar Liye aata hai khuda Khair kare (2)..
Goad me maa sar e Shabbir (a.s) Liye Baithi hai.

Maa Jo Gehwaraye Besheer Liye baithi hai  (2)

4. Kya hua gar sar e zainab (s.a) se rida lutt ti hai (2)
Shaan e Haq chadar e tatheer Liye baithi hai.
Maa Jo Gehwaraye Besheer Liye baithi hai  (2)

5. Dil e Zainab (s.a)  me  khayalon k talaatum ko na pooch.. (2)
Qabr par bhai ki tasveer Liye baithi hai.

Maa Jo Gehwaraye Besheer Liye baithi hai  (2)

6. Baap se chutt k sakina (s.a) nahi soti Dam bhar.. (2)
Goad me Zainab (s.a)  e Dilgeer  Liye Baithi hai.

Maa Jo Gehwaraye Besheer Liye baithi hai  (2)

7. Kitne afsaanaye gham kitne manaazir dil me (2)
Paaye Sajjad (a.s) ki zanjeer Liye baithi hai.

Maa Jo Gehwaraye Besheer Liye baithi hai... (2)

8. Shaam waaloan Ali Asghar (a.s) ki phupi hain Zainab (s.a).. (2)
Lab e Khaamosh me Shamsheer Liye Baithi Hai.

Maa Jo Gehwaraye Besheer Liye baithi hai  (2)..

9. Dokhtar E Fatema (s.a) hai Qaid magar muththi me.. (2)
Deen e Islam ki Taqdeer Liye Baithi hai.

Maa Jo Gehwaraye Besheer Liye baithi hai  (2).

10. Karbala Kyun na bulaya mere Moula ne SHABI.. (2)
Kahan mujh ko meri Taqdeer Liye baithi hai.

Maa Jo Gehwaraye Besheer Liye baithi hai  (2)