Rukhsat Ka Waqt Dekhiye Kaisa Hasan Ka Hai

Rukhsat Ka Waqt Dekhiye Kaisa Hasan Ka Hai
Teeron Ke Saayebaan Me Janaaza Hasan Ka Hai

1. Zainab Hai Nauhakhwan Toh Girya Kunaa Hussain
Ye Kitna Sogwaar Gharaana Hasan Ka Hai

2. Kya Aaj Tak Suni Kisi Mayyat Ki Waapsi
Bas Ek Janaza Laut Ke Aaya Hasan Ka Hai

3. Jo Zehre Halaahal diya Jauda Ne Hasan Ko
Tukdon Me Usne Baa’nta Kaleja Hasan Ka Hai

4. Zainab Pachaade’n Khaati Hai Farwa Ke Bain Se
Kulsoom Ki Zubaa’n Pe Noha Hasan Ka Hai

5. Qasim Ko Kamsini Hee Me Hona Pada Yateem
Ye Kehke Khoon Rota Gharana Hasan Ka Hai

6. Zehre Dagha Se Jism Ki Rangat Badal Gayi
Chehra Bhi Haath Paao’n Bhi Neela Hasan Ka Hai

7. Tanha Hasan Ka Ghar Se Janaza Utha Magar
Socho Toh Aaj Saath Me Nana Hasan Ka Hai

8. Ghurbat Ke Hain Hisaar Me Farwa Ka Noore Ain
Qasim Ke Sar Pe Ab Kahan Saaya Hasan Ka Hai

9. Lafzon Me Uska Ho Nahi Sakta Bayaan Kabhi
Qadim Ke Dil Me Aaj Jo Sadma Hasan Ka Hai