Dar E Ghazi(as)

Jannat dar e Ghazi se zyada to nahi hai
Hai ishq ye, nuqsaan ka sauda to nahi hai

1.Kis dar pe Qataro me khade hai ye farishte
Jibreel ye abbas ka rauza to nahi hai

2.Kya mashqe sakina me utha le gae Abbas
Sahil pe fakat rait hai dariya to nahi hai

3.Kat kat ke gira jata hai kyu sham ka lashkar
Ghazi ne abhi dekha hai maara to nahi hai

4.Firaun na ban ab bhi madad le le jari se
Tu doob raha hai abhi dooba to nahi hai

5.Maahe bani Hashim nazar aata nahi tujhko
Tu aql ke andhe kahi andha to nahi hai

6.Aapas me ye dar dar ke laeen puchh rahe the
Abbas ka ladne ka irada to nahi hai

7.Har saal meri maa yahi kehti rahi mujhse
Matam abhi zanjeer ka waisa to nahi hai

8.Abbas ne sine se lagaya hai tujhe Hur
Ab aur koi dil me tamanna to nahi hai

9.Musa badi unchai pe hai Tur tumhara
Lekin dar e abbas se uncha to nahi hai

10.Aata hai ye jab ghar me to uth jate hai Sajjad
Ye hazrate abbas ka beta to nahi hai

11.Jo bhul gaya hurmate Abbas ko Sajjad
Koi mera apna bhi agar tha to nahi hai