Mai hu abbas

Aye shamiyo 
Aye kufiyo

Aye shamiyo 
Aye kufiyo

Haider ka pisar, sher e babar
zinda jigar hu

be tegh hu, maidaan mein 
par seena sipar hu

Tum sab ki qaza hu, Zahra ki dua hu
saqaa e sakina...

Mai hu abbas mujhe shere jari kehte hai..(2)
Mai hu abbas.. mai hu abbas
Mai hu abbas mujhe shere jari kehte hai..(2)

1. Dast e haider ka tarasheeda nagina mai hu
mahfil o sabr o shuja'at ka qareena mai hu
rooh ko naaz hai jis par woh safeena mai hu
han mujhe fakhr hai saqqa e sakina mai hu
marziye rab ke khareedar ka ehsaas hu mai
mujh ko pehchan lo abbas hu abbas hu mai

Mai hu abbas.. mai hu abbas
Mai hu abbas mujhe shere jari kehte hai..(2)

2. Ghaiz mein aau to darya ko ulat sakta hu
alqama khud mai tujhe paani pila sakta hu
murda ummeedo'n ko thokar se jela sakta hu
nehr ko kaat ke khaimo se mila sakta hu
hukme aaqa ka mai paband hu majboor nahi
aur agar chaahu to kausar bhi bohot door nahi

Mai hu abbas.. mai hu abbas
Mai hu abbas mujhe shere jari kehte hai..(2)

3. Parcham e ja'far e tayyar uthaya maine
haq parasto ko diya dhoop mein saaya maine
han wafa ko bhi wafadaar banaya maine
junge siffeen mein woh haath dikhaya maine
sab ke hoto'n pe tha...
sab ke hoto'n pe tha waliyo ke wali aate hai
bhaagne wale samajhte the ali aate hai

Mai hu abbas.. mai hu abbas
Mai hu abbas mujhe shere jari kehte hai..(2)

4. Laaye ho tegh e tabar kis ko darane ke liye
ye khilone to hai asghar ko hasane ke liye
kya yaha aaye ho be waqt hi jaane ke liye
koi tarkeeb karo jaan bachane ke liye
Haideri shaan se lunga jo abhi angdayee
tum ye kehte hue bhagoge qayamat aayi

Mai hu abbas.. mai hu abbas
Mai hu abbas mujhe shere jari kehte hai..(2)

5. Lafze ehsaas ka ifham e mua'ni mai hu
shere darya e tabee'at ki rawani mai hu
faatahe khaibar o khandaq ki jawani mai hu
jo kabhi khatm na ho aisi kahani mai hu
har jagah parchame...
har jagah parcham e saqqa e haram uth ta hai
mera laasha nahi uth ta to alam uth ta hai

Mai hu abbas.. mai hu abbas
Mai hu abbas mujhe shere jari kehte hai..(2)

Mai hu abbas.. mai hu abbas
Mai hu abbas mujhe shere jari kehte hai..(2)

Haider ka pisar, sher e babar
zinda jigar hu

be tegh hu, maidaan mein 
par seena sipar hu

Tum sab ki qaza hu, Zahra ki dua hu
saqaa e sakina...