Jab hui zohr talak qatl sipahe shabbir

Jab Hui Zohar Talak Qatal Sipah e Shabbir.(A.S) 
Ghair Asghar (A.S) na raha noor e nigah e Shabbir (A.S) 
Thi faqat Rooh e Ali (A.S) pusht o panah e Shabbir (A.S) 
Haq say kehta tha ke tu rahiyo gawah e Shabbir (A.S) 
Sar fida kar kay shareek e shuhada hota hoon 
Aaj mai teri amanat say ada hota hoon

Ab na Qasim (A.S) mera baqi hai na Akbar (A.S) baqi 
Na Alamadar (A.S) salamat hai na lashkar baqi
Bhanjay hain na bhateejay na baradar baqi Ab faqat sar mera baqi hai aur Asghar (A.S) baqi 
Qatal Asghar (A.S) ho mera sar bhi juda ho jaay 
Iss amanat se bhi Shabbir (A.S) ada ho jaay

Ya Khuda tujh pa mai sadqay mera lashkar bhi nisaar 
Dil fida jaan fida rooh fida ghar bhi nisaar 
Ali Akbar (A.S) bhi nisaar aur Ali Asghar (A.S) bhi nisaar 
Tujh pa Baqir bhi nisaar aur dil e muztar bhi nisaar
Mai nai jo kuch teray darbar say paya Maula Sab teri raah mai khush ho ke lutaya Maula

Wo kalayjay pe dharay haath paray hain Akbar (A.S) 
Hain wo Abbas e Dilawar (A.S) wo Hasan (A.S) ka dilbar 
Ek Ek piyaray ko qurban kiya ginn ginn kar 
Ki amanat main khayanat na zarra aai dawar 
Tu nai daulat thi jo mujh khaak nasheen ko sonpi 
Wo amanat teray banday nai zameen ko sonpi 
Jab Hoi Zohr Talak...