Sajjad ko bhula na

Sajjad ko bhula na kabhi shaam ka bazaar
Zainab sare darbar
Ajaayie imdad ko, ya haidare karrar, sajjad hai beemaar

1. Rote hai to khun aankhon, se behta hai subho shaam, ye ranj ye aalaam
Gardan mein gira(n) tauq hai, paaon mein chube khaar, sajjad hai beemaar

2. Zainab ke khule sar ko jo dekha to pukaare, ham lut gaye saare
Khu(n) pusht se jaari hai ke hai durro(n) ki bochaad, haaye aabide beemaar

3. Neze pe hai jo baap ka sar khun mein jo tar hai, qayamat ka safar hai
Sone nahi deti hai ye zanjeer ki jankaar
Ay qul ke madadgaar

4. Darbaare yazidi mein khade the sabhi saadaat, haaye zulm ki wo raat
Zainab khule sar kehti thi ajaao alamdaar, sajjad hai laachaar

5. Dukhiya thi sakina tha lahu aankho se jaari, ro ro ke pukaari
Rukhsaaro par ab tak hai tamacho ke bhi asaar, suno aabide beemaar

6. Safdar wo sakina ka tadapna hai qayamat, aur dhoop ki shiddat
Jallaad hilaa deta hai zindaan ko har baar, sajjad hai beemaar