Mimber pe mohammad

Mimber pe mohammad nahi, ab aur koi hai..(2)
Tehreer liye fatima, chupchaap khadi hai

1. Ye ajr hai chehre pe nisha tana e hizya'n..(2)
tehreer ke tukde liye ghar laut chali hai
tehreer liye....

2. Haste hai musalmaan jo zahra ko rula kar..(2)
hai shaam ka darbaar ya darbaar e nabi hai
tehreer liye....

3. Turbat pe teri peshi ke halaat raqam hai..(2)
bibi teri mehroomi ki roodad likhi hai
tehreer liye....

4. Ho jald dua hai teri turbat ki rehai..(2)
sadiyo'n se teri qaid kaha'n khatm hui hai
tehreer liye....

5. Darwaza girane mein musalmaan hai masroof..(2)
tanhai me shabbir ki maa ro rahi hai
tehreer liye....

6. Zakhmi hue haatho'n ko duao'n mein uthakar..(2)
abbas ki khilqat ki dua maang rahi hai
tehreer liye....

7. Ro ro ke ye kehti thi mera ghar na jalao..(2)
pehchano musalmano yaha'n aale nabi hai
tehreer liye....

8. Ye alam e ghurbat hai ke ghar chhod ke mayyat..(2)
khud qabr ki tayyari mein masroof ali hai
tehreer liye....