Ali ali maula

Ali maula, ali maula, ali maula
ali, ali, ali, ali, ali maula

ali ali, ali ali, ali ali, ali ali ali..(2)

man kunto maula, fa haza aliyun maula..(2)

ali ali maula, ali ali maula maula, ali ali maula, ali ali ali..(4)

1. Ishq e ali ke aaine mein
hum maulai sawarte hai
majlis o matam roza namaze
haider haider karte hai
khudkush hamle karne wale
maut haram ki marte hai
hum hai shaheedo'n ki auladein
dushman hum se darte hai
dil ki sada hai, ali ali maula
jaan fida hai, ali ali maula
khoon se likha
ali ali, ali ali, ali ali, ali ali ali
ali ali maula.....

2. Naara e majlis, naara e mehfil
ya ali maula, haider maula
dariya ban jata hai sahil
ya ali maula, haider maula
nusrat e mahdi ki hai manzil
ya ali maula, haider maula
bacho'n ko hai banana qabil
ya ali maula, haider maula
hum ne suna hai, ali ali maula
hum ne padha hai, ali ali maula
hum ne likha hai
ali ali, ali ali, ali ali, ali ali ali
ali ali maula.....

3. Qibla e awwal gunj raha hai
hizbullah ki jurrat se
takfiri sab toot rahe hai
ehle wigha ki haibat se
karbobala hai qarya, qarya
ehle azaa ki himmat se
lashkar e mahdi jeet raha hai
maula ali ki taaqat se
ilm o ata hai, ali ali maula
ishq o wafa hai, ali ali maula
wajhe baqa hai
ali ali, ali ali, ali ali, ali ali ali
ali ali maula.....

4. Haider hai tauheed ka suraj
chashme nabi ka tara hai
aisa namazi aisa mujahid
ye allah ka pyara hai
aai hai unneeswi shab to
behta khoon ka dhara hai
ghar mein khuda ke mehwe sajdah
rozedaar ko maara hai
shor bapa hai, ali ali maula
aaho buka hai, ali ali maula
khoon baha hai
ali ali, ali ali, ali ali, ali ali ali
ali ali maula.....

5. Zehre halahal mein doobi
talwaar ki kaisi zarbat thi
maula ali ki reeshe mubarak
aaj lahu se surkh hui
aaj yateem hai hone wali
girya kuna ye aale nabi
zainab se baate karti hai
aakhri hichki maula ki
bhai khada hai, ali ali maula
shukre khuda hai, ali ali maula
sarpe rida hai
ali ali, ali ali, ali ali, ali ali ali
ali ali maula.....

6. Roohe haider dekh rahi hai
kaisi musibat aai hai
laash e pisar par baap ki shafqat
ghutniyo chal kar pohchi hai
fatahe khaiber ke bete ne
kitni taaqat mangi hai
seene se akbar ke sheh ne
kaise barchi khaichi hai
teer laga hai, ali ali maula
zakhm khula hai, ali ali maula
dard bada hai
ali ali, ali ali, ali ali, ali ali ali
ali ali maula.....

7. Jiska janaza shab mein utha tha
khoon ke aansu roti hai
maa aur beti dono ne
darbaar ki mushkil dekhi hai
haath bandhe hai sar uryaa'n hai
aur gale mein rassi hai
kufe mein be maqna o chadar
aaj ali ki beti hai
sabr o raza hai, ali ali maula
sar bhi jhuka hai, ali ali maula
karb bada hai
ali ali, ali ali, ali ali, ali ali ali
ali ali maula.....

8. Aaj qamar har dil ki sada hai
lashkar e mahdi, YA HUSSAIN
nusrat e mahdi farshe azaa hai
lashkar e mahdi, YA HUSSAIN
meri jabee'n par likha hua hai
lashkar e mahdi, YA HUSSAIN
haider haider goonj raha hai
lashkar e mahdi, YA HUSSAIN
azme wafa hai, ali ali maula
shukr e khuda hai, ali ali maula
lab pe dua hai
ali ali, ali ali, ali ali, ali ali ali
ali ali maula.....