Al amaan al amaan

al amaan al amman - 4

Kufa O Shaam Ke , Majma-e-Aam Mein BeRida Beebiyan , AL Aman Al Aman - 2

Haath Pa Ba Rasan , Be Ama'n Be Watan Hein Nabi zaadian... AL Aman Al Aman

1. Bheed Mei Sharm Se Ser Jhukaye Howe,
Apny Baalon Se Chehra Chupaye Howe
Lehja-e-Haideri , Bint-e-Sher-e- Jari
De Rahi Hai Beyaan ,AL Aman

2. Is Ko Tazeem Do , Is Pe Saaya Kero
Ser Burida Ko Yun Khaak Pe Na Dharo
Royi Bint-e-Ali , ay Shabeeh-e-Nabi
Mera Akbar Jawan , AL Aman Al Aman

3. Shaam Mei Her Gali Aur Her Mod Per
Aik Bemaar Ki Jhuk Rahi Hai Kamar
Khasta Tan NaTawan , Paaoun Mei Bedian ,
ankhon Se Khun Rawan , AL Aman Al Aman

4. Teer Taboot Se Khenchti Jo Rahi
Zer-e-Khanjer bhi Thi  rakhti Gerdan Kabhi
Rokti Hai Khadi pathron ki jhadi
Aaj zainab ki maan Alaman Alaman

5. Boli Zainab ke kia sughra ko batlaoun gi
Ibne jafar ko mai kesy mein dikhlaon gi
Chadren khun bhari baazuoun mein padi
Rasion ke nishan ..alaman alaman

6. Kaash is raat ki ho kabhi na sehar
Jaaye Zainab (sa) na bazaar phir nangy ser
Mangta hai dua raat bher bawafa
Jaag ker ber sina ...Alaman Alaman ...